काठमाण्डौ,
सत्तारुढ दल नेपाल कम्युनिष्ट पार्टी (नेकपा)का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ आइतबार अमेरिका प्रस्थान गर्नुभएको छ ।
उहा आइतबार अपरान्ह पत्नी सीता दाहालको स्वास्थ्योपचारका लागि अमेरिका प्रस्थान गर्नुभएको हो । प्रचण्डको साथमा उहाकी स्वकीय सचिव तथा छोरी गंगा दाहालसमेत अमेरिका जानुभएको छ । सीता दाहालको उपचार अमेरिकाको जोन हकिङ्स अस्पतालमा हुने र त्यहाँ प्रोग्रेसिभ सुपर न्यूक्लियर प्लासीको उपचार हुने प्रचण्डले बताउनुभयो ।


उहाले मुलुकको राजनीतिक अवस्था र पार्टीको एकताको बाकी काम पुरा गर्न पनि आफु छिटै स्वदेश फर्कने जानकारी दिनुभयो । उहाले अमेरिकामा रहदा केहि भेटघाट हुन सक्ने र त्यसको व्यवस्था परराष्ट्र मन्त्रालयले गरिरहेको बताउनुभयो । फरक प्रसंगमा उहाले अवको बजेट मुलुकको बिकासमा केन्द्रिय हुने भन्दै बिकासका लागी एक भएर अघि बढ्न उहाले अपिल गर्नुभयो ।
प्रचण्ड यस अघि नै अमेरिका जाने तयारीमा हुनुहुन्थ्यो । तर, भनेजुएला काण्डपछि भ्रमण स्थगित भएको थियो । पछि अमेरिकाको ग्रिन सिग्नल पाएसँगै प्रचण्ड पत्नी सिताको उपचारका लागि अमेरिका जानुभएको हो । प्रचण्डलाई बिमानस्थलमा सुवास नेम्वाङ, देवेन्द्र पौडेल सुनिल, प्रधानमन्त्रीका राजनीतिक सल्लाहकार विष्णु रिमाल लगाएतले विदाइ गरेका थिए ।

तपाईको प्रतिक्रिया

सम्बन्धित समाचार